ದೇಶ
₹ 2,000 ಮುಖಬೆಲೆಯ ಶೇ 76ರಷ್ಟು ನೋಟುಗಳು ಬ್ಯಾಂಕ್ಗಳಿಗೆ ವಾಪಸ್: ರಿಸರ್ವ್ ಬ್ಯಾಂಕ್
ಮುಂಬೈ: ₹ 2,000 ಮುಖಬೆಲೆಯ ಶೇ 76ರಷ್ಟು ನೋಟುಗಳು ಬ್ಯಾಂಕ್ಗಳಿಗೆ ವಾಪಸ್ ಆಗಿವೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಸೋಮವಾರ ತಿಳಿಸಿದೆ.
₹ 2,000 ಮುಖಬೆಲೆಯ ನೋಟುಗಳನ್ನು ಹಿಂಪಡೆಯುವುದಾಗಿ ಮೇ 19ರಂದು ಘೋಷಿಸಿದ್ದ ಆರ್ಬಿಐ, ಈ ನೋಟುಗಳನ್ನು ಉಳಿತಾಯ ಖಾತೆಗಳಲ್ಲಿ ಠೇವಣಿ ಇಡುವ ಮೂಲಕ ಅಥವಾ ಬದಲಾಯಿಸಿಕೊಳ್ಳುವ ಮೂಲಕ ಮೇ 19ರ ಒಳಗಾಗಿ ಬ್ಯಾಂಕ್ಗಳಿಗೆ ಹಿಂತಿರುಗಿಸಬೇಕು ಎಂದು ಸೂಚನೆ ನೀಡಿತ್ತು.
ಬ್ಯಾಂಕ್ಗಳಿಂದ ಕಲೆಹಾಕಿದ ಅಂಕಿ–ಅಂಶಗಳ ಪ್ರಕಾರ, ಮೇ 19ರಂದು ₹ 2 ಸಾವಿರ ಮುಖಬೆಲೆಯ ನೋಟುಗಳನ್ನು ಹಿಂಪಡೆಯುವುದಾಗಿ ಪ್ರಕಟಿಸಿದಾಗಿನಿಂದ ಜೂನ್ 30ರ ವರೆಗೆ ₹ 2.72 ಲಕ್ಷ ಕೋಟಿ ಮೌಲ್ಯದ ನೋಟುಗಳು ಬ್ಯಾಂಕ್ಗಳಿಗೆ ವಾಪಸ್ ಆಗಿವೆ. ಪರಿಣಾಮವಾಗಿ, ಜೂನ್ 30ರ ವಹಿವಾಟು ಅಂತ್ಯದ ವೇಳೆಗೆ ₹ 0.84 ಲಕ್ಷ ಕೋಟಿ ಮೌಲ್ಯದ ನೋಟುಗಳು ಚಲಾವಣೆಯಲ್ಲಿವೆ’ ಎಂದು ಆರ್ಬಿಐ ಹೇಳಿಕೆ ನೀಡಿದೆ.
ಈ ವರೆಗೆ ಒಟ್ಟು ಶೇ 76 ರಷ್ಟು ನೋಟುಗಳು ಬ್ಯಾಂಕ್ಗಳಿಗೆ ವಾಪಸ್ ಆಗಿವೆ. ಪ್ರಮುಖ ಬ್ಯಾಂಕ್ಗಳು ನೀಡಿರುವ ಮಾಹಿತಿ ಪ್ರಕಾರ, ಶೇ 87ರಷ್ಟು ನೋಟುಗಳು ಠೇವಣಿ ಮೂಲಕ ಹಾಗೂ ಉಳಿದ ಶೇ 13 ನೋಟುಗಳು ಇತರ ನೋಟುಗಳೊಂದಿಗೆ ಬದಲಾವಣೆ ಮೂಲಕ ವಾಪಸ್ ಆಗಿವೆ ಎಂದಿದೆ.
