Business
ಇನ್ಮುಂದೆ ಡೆಬಿಟ್ ಕಾರ್ಡ್ ಇಲ್ಲದೆಯೂ ಯುಪಿಐ ಪಿನ್ ಬದಲಾವಣೆ, ಗೂಗಲ್ ಪೇ ಬಳಕೆ ಸಾಧ್ಯ!
ಡೆಬಿಟ್ ಕಾರ್ಡ್ ಸಹಾಯವಿಲ್ಲದೇ ಯುಪಿಐ ಖಾತೆಯನ್ನು ಬದಲಾವಣೆ ಮಾಡುವ, ಕ್ರಿಯೇಟ್ ಮಾಡಿ ಆಕ್ಟಿವೇಟ್ ಮಾಡುವ ಸೌಲಭ್ಯವನ್ನು ಗೂಗಲ್ ಪೇ ಈಗ ಸಕ್ರಿಯಗೊಳಿಸಿದೆ. ಗೂಗಲ್ ಪೇ ಅಪ್ಲಿಕೇಶನ್ನಲ್ಲಿ ಈಗ ಆಧಾರ್ ನಂಬರ್ ಮೂಲಕ ಸೈನ್ ಇನ್ ಆಗಬಹುದಾಗಿದ್ದು, ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೋರೇಷನ್ ಆಫ್ ಇಂಡಿಯಾ (ಎನ್ಪಿಸಿಐ) ಇದಕ್ಕೆ ಮಾರ್ಗವಾಗಿದೆ.
ಗೂಗಲ್, ಆಧಾರ್ ಮೂಲಕ ಯುಪಿಐ ಪೇಮೆಂಟ್ ಆನ್ಬೋರ್ಡಿಂಗ್ ಅನ್ನು ಪರಿಚಯ ಮಾಡುತ್ತಿದ್ದು, ಇದರ ಮೂಲಕ ಅಪ್ಲಿಕೇಶನ್ ಬಳಕೆದಾರರ ಸಂಖ್ಯೆ ಹೆಚ್ಚಿಸುವ ಗುರಿ ಹೊಂದಿದೆ ಎಂದು ಹೇಳಿದೆ. ಇದಕ್ಕೆ ಕಾರಣ ದೇಶದ ಶೇಕಡ.99.9 ವಯಸ್ಕರು ಆಧಾರ್ ಕಾರ್ಡ್ ಹೊಂದಿರುವುದೇ ಉತ್ತಮ ಸದಾವಕಾಶವಾಗಿದೆ ಎಂದು ಹೇಳಿಕೊಂಡಿದೆ.
‘ಆಧಾರ್ ಕಾರ್ಡ್ ಮೂಲಕ, ಯಾವುದೇ ಡೆಬಿಟ್ ಕಾರ್ಡ್ ಇಲ್ಲದಿದ್ದರೂ ಸಹ ಯುಪಿಐ ಐಡಿ ಕ್ರಿಯೇಟ್ ಮಾಡುವ ಸೌಲಭ್ಯದಿಂದ ಭಾರತದಲ್ಲಿ ಇನ್ನು ನೂರು ಮಿಲಿಯನ್ ಬಳಕೆದಾರರನ್ನು ಪಡೆಯಬಹುದು, ಅವರು ಡಿಜಿಟಲ್ ಪೇಮೆಂಟ್ ಅನ್ನು ಸುಲಭಗೊಳಿಸಿಕೊಳ್ಳಬಹುದು. ಈ ಫೀಚರ್ ಈಗ ಬ್ಯಾಂಕ್ ಖಾತೆ ಹೊಂದಿರುವವರಿಗೆ ಮಾತ್ರ ಸಪೋರ್ಟ್ ಮಾಡುತ್ತಿದೆ,’ ಎಂದು ಗೂಗಲ್ ಹೇಳಿಕೆ ನೀಡಿದೆ.
ಡೆಬಿಟ್ ಕಾರ್ಡ್ ಇಲ್ಲದೆ ಯುಪಿಐ ಖಾತೆ ಸೆಟಪ್ ಮಾಡುವುದು ಹೇಗೆ?
ಡೆಬಿಟ್ ಕಾರ್ಡ್ ಇಲ್ಲದೆಯೂ ಸಹ ಗೂಗಲ್ ಪೇ ಬಳಸಲು, ಸೈನಪ್ ಆಗುವ ಮಾದರಿಯನ್ನು ಈಗ ಪರಿಚಯಿಸಲಾಗಿದ್ದು, ಇದರ ಸದುಪಯೋಗ ಪಡೆಯಲು ಮೊದಲು ಬಳಕೆದಾರರು ಆಧಾರ್ ಕಾರ್ಡ್ ಮತ್ತು ಬ್ಯಾಂಕ್ ಖಾತೆಗೆ ಎರಡಕ್ಕೂ ಒಂದೇ ಮೊಬೈಲ್ ನಂಬರ್ ಲಿಂಕ್ ಆಗಿರುವ ಕುರಿತು ಖಾತ್ರಿ ಪಡಿಸಿಕೊಳ್ಳಬೇಕು. ಒಂದು ವೇಳೆ ಇನ್ನು ಲಿಂಕ್ ಆಗಿಲ್ಲದಿದ್ದಲ್ಲಿ ಬಳಕೆದಾರರು ಮೊದಲು ಲಿಂಕ್ ಮಾಡಿಕೊಳ್ಳಬೇಕು.
ಪ್ರಸ್ತುತ ಯಾವ ಬ್ಯಾಂಕ್ ಈ ಸೇವೆಯನ್ನು ನೀಡುತ್ತದೆಯೋ ಆ ಬ್ಯಾಂಕ್ ಕಸ್ಟಮರ್ಗಳು ಮಾತ್ರ ಈ ಸೇವೆ ಪಡೆಯಬಹುದಾಗಿದೆ. ಮುಂದಿನ ದಿನಗಳಲ್ಲಿ ಇನ್ನು ಹೆಚ್ಚಿನ ಬ್ಯಾಂಕ್ಗಳು ಈ ಸೇವೆ ಸಪೋರ್ಟ್ ಮಾಡುವಂತೆ ಸೇವೆ ವಿಸ್ತರಣೆ ಮಾಡಲಾಗುತ್ತದೆ.
ಆಧಾರ್ ನಂಬರ್ ಮೂಲಕ ಯುಪಿಐ ಐಡಿ ಬದಲಾವಣೆ ಮಾಡುವ ಅಥವಾ ಸೆಟಪ್ ಮಾಡುವ ವಿಧಾನ
– ನೀವು ಗೂಗಲ್ ಪೇ ಅಪ್ಲಿಕೇಶನ್ ಹೊಂದಿಲ್ಲದಿದ್ದಲ್ಲಿ ಮೊದಲು ಡೌನ್ಲೋಡ್ ಮಾಡಿ ಇನ್ಸ್ಟಾಲ್ ಮಾಡಿಕೊಳ್ಳಿ.
– ಇನ್ಸ್ಟಾಲ್ ಆದ ತಕ್ಷಣ ನಿಮಗೆ ಎರಡು ಆಯ್ಕೆಗಳು ಪ್ರದರ್ಶಿತವಾಗುತ್ತವೆ.
– 1.ಡೆಬಿಟ್/ಎಟಿಎಂ ಕಾರ್ಡ್ ಮೂಲಕ , 2.ಆಧಾರ್ ಕಾರ್ಡ್ ಮೂಲಕ ವೆರಿಫೈ ಮಾಡಲು ಕೇಳಲಾಗುತ್ತದೆ.
– ಈ ಹಂತದಲ್ಲಿ ಗ್ರಾಹಕರು ಆಧಾರ್ ಕಾರ್ಡ್ ವೆರಿಫಿಕೇಶನ್ ಆಯ್ಕೆ ಮಾಡಬೇಕು.
– ನಂತರ ಮೊದಲ 6 ಆಧಾರ್ ನಂಬರ್ ಎಂಟರ್ ಮಾಡಿ.
– ನಂತರ ನಿಮ್ಮ ಪೇಮೆಂಟ್ಗಳಿಗೆ ಸೆಕ್ಯೂರಿಟಿ ಪಿನ್ ಕ್ರಿಯೇಟ್ ಮಾಡಿಕೊಳ್ಳಬೇಕು.
– ನಂತರ ನಿಮ್ಮ ಮೊಬೈಲ್ಗೆ ಬರುವ 6 ಸಂಖ್ಯೆಗಳ ಆಧಾರ್ ಓಟಿಪಿ ನೀಡಬೇಕು.
– ಈ ಓಟಿಪಿ ನೀಡಿದ ನಂತರ ಮತ್ತೆ 6 ಡಿಜಿಟ್ನ ಬ್ಯಾಂಕ್ ಓಟಿಪಿ ಸ್ವೀಕರಿಸುತ್ತೀರಿ. ಅದನ್ನು ನೀಡಬೇಕು.
– ಒಟಿಪಿ ವೆರಿಫಿಕೇಶನ್ ಮುಗಿದ ನಂತರ, ನೀವು 6 ಡಿಜಿಟ್ನ ಯುಪಿಐ ಪಿನ್ ಅನ್ನು ಸೆಟಪ್ ಮಾಡಬೇಕು. ಇದರ ಮೂಲಕ ನಿಮ್ಮ ಖಾತೆಯನ್ನು ಸುರಕ್ಷಿತಗೊಳಿಸಿಕೊಳ್ಳಬೇಕು.
ಒಮ್ಮೆ ಸಂಪೂರ್ಣವಾಗಿ ಯುಪಿಐ ಐಡಿ ಕ್ರಿಯೇಟ್ ಆದ ನಂತರ, ಗೂಗಲ್ ಪೇ ಮೂಲಕವೇ ನಿಮ್ಮ ಬ್ಯಾಂಕ್ ಖಾತೆ ಬ್ಯಾಲೆನ್ಸ್, ವರ್ಗಾವಣೆ, ಹಣ ಸ್ವೀಕಾರ ಎಲ್ಲ ಸೇವೆ ಸದುಪಯೋಗಪಡಿಸಿಕೊಳ್ಳಬಹುದು. ನಾವು ಆಧಾರ್ ನಂಬರ್ ಅನ್ನು ಸಂಗ್ರಹಿಸಿ ಇಟ್ಟುಕೊಳ್ಳುವುದಿಲ್ಲ, ಇದು ಎನ್ಪಿಸಿಐ ಮೂಲಕ UIDAI ಗೆ ವ್ಯಾಲಿಡೇಷನ್ ಮಾತ್ರ ಕಳುಹಿಸಲಾಗಿರುತ್ತದೆ ಎಂದು ಹೇಳಿದೆ.
